Aya, An Abedo Atini Poem by Ojok Isaac

Aya, an abedo atini.
Aya, pe obedo miti na.
Malaika a Jokamalo otwar iyi awura ni
Oyaa iker me polo
Te keta iyi awura ni acil.

Aya, pe obedo miti na;
Jokamalo omito kito.

Nu cunya yom iyi adake me mar,
Iyi awura ni acil
ate butu ikuc.
Malaikae ogwoka
Gin olego
Me wek abed akoma yot
Naka onywala i lobo

Gin opwonyo wer me nywale ipolo
Me atuka kede adungu inino nywale na

I Kare ame nu anino iyi awura ni
Malaika nu maro bino bota
Yin pe ingeo, Aya me amara

Nu yia yom ni i nywala
Calo atini me amara

Nu amito nyero
Nu amito wer
Nu amito tuku
Nu amito doto caki
Naka ka oromi
Nu amito neno bwonyo i wangi
Ka adoto cak kori me amara

Aya, manu nu leko na iyi awura ni

Ento inino arac
Yin imoko tami me neka

Jogi me kapiny
Owinyo gini tami
Ote kelo gini bul adit
Ote goyo gini kede dwon me jok
Jogi ducu obino karacel,
Obino te gure gini te myel
Te pyee kede wer
Gin omyelo ling
Ogure gini te myel
Gin omyeli iwi lwet gi
Gin omyelo iwii gi
Gin owero wer arac aloo
Eka jogi te goyo bul
Kapiny duc nu opong ilelo
Ni imoko tami me neka

Ingeo kit ame akok kede?
Ingeo malaika adii okok?
Ingeo kit ame polo aluto okok kede
Inino ame atoo iyi awura ni?

Ikare ame nu pwod pe atoo
Aneno Jokamalo won twer tye akok.