Married Life Poem by abhipsa panda

Aisa nahin ki khushiyon ki asmaan me udte hain hum,
apni hansi me kaafi kuch baten chipa lete hain hum.
Shauhar ke sath bitaaye huye har lamhe rangeen nahin hoti,
aur har shaadi shuda zindagi haseen nahin hoti.

Kuch pal to hume bhi adhura sa lagta hai,
apne mehboob ki bahon me bas khudko hi dekhne ko jee karta hai.
Par har dekhe huye sapne puri nahin hoti,
aur har shaadi shuda zindagi haseen nahin hoti.

Kuch accha hi soch kar apna ghar choda tha,
aur kuch ummid karke hi unka hath thamaa tha.
Par har thama hua hath wafa ki nahin hoto,
aur har shaadi shuda zindagi haseen nahin hoti.