EKUSHONENI KWELILANGA
Ngasala ngishacekile enyameni
Ngasala ngidvumele nasemoyeni
Ngasala inhlitiyo igaya tiboti
Ngasala ngishiyeka nginetifiso temnonophela
Kwashabalala kwami kuphikelela nekuphokophela
Ngafisa kuyisonga yami imphilo bese nje kuyaphela
Ekushoneni kwalelo langa
Tagobhota tageleta taholoba Tami tinyenyembeti
Tafucana kwangatsi tiphuma esiyalwini
Tihlatsi Tami taphendvuka tihosha
Ngabona ngatsi kwakuncono kuphila imphilo yabomahosha
Laselitsele naletibuhlungu
Laselitsele etintsabeni tasenshonalanga
Awu Shona malanga Shona
Ngaphoceka ekushoneni kwalelo langa
Kodvwa vele kutsakasa kuhlola kukhala?
Ngafisa kwangatsi emazulu angavula Sami sikhala
Angisibonanga nesami sidzingo kulesemhlaba sikhala
Ingani ngoba ngangilibele kukhala
Angilifisi nakulifisa lelo langa
Sesamukele lomusha umphefumulo
Kantsi ngenhlanye ngiyolahlekelwa ngumphefumulo
Kodvwa lohlaba yakhe akekhutwa
Kodvwa vele umdali uyakwati lakwentako
Nakubantfu batselele abakwati labekwentako
Ngiyohlezi ngikukhumbula nekulunga kwakho
Ngikukhumbule ngebuhle bakho
Sotsi ndvodzana leyavundla kusami sibeletfo
Ngabuva buhlungu ekushoneni kwelilanga
©Shiba Phumlani Vimbelasizwe (Travellers: The Singer - Poet)
Imbongi Yemswati
EKUSHONENI KWELILANGA
This poem has not been translated into any other language yet.
I would like to translate this poem