गोरबो ख'नासे Poem by Beson Swargiary

सिमां दिङा जावदोँमोन
लैथो रुगुं मोनहैगोननि मिजिङाव,
अननाय फाखनजोँ बुबथिँ जानाय
थांखिनि दावबायारि नोजोरा
नुहरस'वाखै मिजिँनि बान्दो ।
/
गोजोनखौ साथिफ'ब होनो नाजादोँमोन
गोरबो गंसे जिउनि सेर सेर,
मोनथिस्लाबै दाखा जोमै दाहाराव
निजोरा मोदैनि फुवा फुवा बोहैग्लाबनाय
खोमसि हरनि आन्दोआव स्राय स्राय ।
/
खोनादोँल' नुस'हायै देंखो
आब्रा गोसोनि रौ रौ गाबखांनाय,
गोजोनफुरिनि मिलौदो देँखो रोजाब रोजाब
गोमखां होनाय मिथिँगानि गोरबोआव
गोसो मिजिँफोरा गोमजोरै खोनासङो ।
/
नाथाय!
गाबखांनाय गोरबो ख'नासेया
दाबो निजोम थानसालिनि लांगोनायाव जिरायना
नेनानै दं गोरबो अननाय मोननो ।