सैथो नङा बे दावहाथिलिया (This Battlefield Is Not True) Poem by Beson Swargiary

सैथो नङा बे दावहाथिलिया,
जेराव, गावजोँ गाव थै सोबख'नाया,
बर' हारिनि गेजेराव खैसारि जोबनो थांला,
बिमा बिफानि मोजां बोसोनखौ गनायना लाला ।

राजखान्थिनि खैसार गेले गेले,
बर' हारिखौ खालामबाय बेले बेजे,
मोनथाइनि बारगा बुंनाय गोदै गोदै राव,
बर' फिसाफोरनो रानसावना होलायबाय थाव ।

खैफोद फैदोँ दिनै हारिनि गेजेराव,
मोनदांथियाखै दाबो बर' फिसाफोरनि गोसोआव,
गोरोबलायनानै खामानि मावैनि जाहोनाव,
गावजोँ गाव जोबस्रांनाय लामायाव ।

बै! दावस्रि हाजि हारिफोरा मिनिलायगोन,
बर' हारिया मोदै हुगार नांलायगोन ।