Unos (Filipino Poem) Poem by jomark baynado

Dumagundong ang langit
Gumuhit ang liwanag sa karimlan
Paulit-ulit...paulit-ulit.......
Umihip ang hangin,
Nag-unahan ang mga patak ng ulan,
Pababa...pabulusok...pabagsak..
Pabilis ng pabilis....
Palakas ng palakas.....
Umapaw ang tubig sa estero.
Inanod ang mga basura,
Inanod ang mga troso,
Inanod ang bahay at barong-barong,
Inanod lahat...lahat inanod!
Walang itinira........wala......wala.....
Nakakabingi ang gabi!
Nakakabingi ang nangangalit na unos.


Dumagundong ang langit!
Gumuhit ang liwanag sa karimlan
Paulit-ulit....paulit-ulit....
Naglitawan ang patay na hayop,
Naglitawan ang mga basura,
Naglitawan ang mga troso,
Naglitawan ang mga bangkay ng tao
Naglitawan lahat na parang styrofoam
Na natrap sa kung saang kanto! ! !