Silahis Poem by jomark baynado

Isang luhang munti nalaglag sa pisgi
Pinahid ng kamay na nagdudumali.
At biglang nasambit ako'y nagkamali
Daang napili ay daang pasawi.

Kaya naman ngayon ay naghihinagpis,
Saka humihilig na gamit ang lapis
Nawa'y maituwid pangarap na nalihis
Sana'y maitayo nasa na may silahis.

Kahit nagkamali, nasubsob sa lupa
Itataas pa rin ang madungis na mukha
Upang tanggaping ako'y nagkamali nga
At tanging hangad isang bagong simula.


Liwanag ang buwan sa gabing madilim
At sumisilahis ang araw na manigning
Huni niyang ibong nasa papawirin
Pag-asa'y sisinag pag-matuwid ang hangarin.