Kagaj Ki Naav.... Poem by RAHUL KUMAR

Jab jab badal me ye kali ghata chhati hai
Barish ki ye bunde dharti ki pyash bujhati hai
tab me ek kagaj ka tukda lata hun
Apne hanthion se ek kagaj ki nav banata hun
Is barish ke paani me apni naav chlata hun
Pal bhar ke lie hi sahi apne bachpan me lout jata hun
Wo bachpan ki yadein, wo ghar angan ki rahein
Mujhe yaad bada ati hai
Par ye chhoti si naav mujhe ek khusi de jati hai
Pal bhar ke lie mujhe mere bachpan me le jaati hai
Kagaj ki naav hamein ek baat batati hai
Muskilon me bhi hamein chalne ki raah dikhati hai
Ye kagaj ki naav jo lahron par se bach kar nikal jati hai
Kabhi dagmagati hai fir bhi sambhal jati hai
Lekin ye baat samandar ko bhi khal jaati hai
Kagaj ki ye naav mujh par kaise chal jati hai…………….