अनजालिखौ नायगिरै नायगिरै Poem by Beson Swargiary

गोरबोनि बिबार दोरमि लांदोँ,
लाजिस्लु अनजालिखौ नायगिरै नायगिरै,
हर सान एमब्रायै बारलांदोँ,
मोदै रथ' रथ' गाबै गाबै ।

सोरगोनि मोदायजो जानानै नोँ,
आंनि गोसो गोरबो बोदोर खालामो,
नोँनि अननाया मोगथाङाव जाफुंथोँ,
बेखौनो गोजोर नेनानै थायो ।

नोँ फैयोल' सिमांनि अनजालि जाना,
आं नागिर बायो मोगथांनि सावगारि लाना,
नोँ अनजालिखौ मोननो नागिरै नागिरैनो,
गोबाव गैलिया जिउनि बेलासे सम मोननो ।

आंदि मोनथिस्लाबाखै हाजोमा लैथोमा बारनाय,
बेसेदि हांखुर आंनि नोँखौ मोननो हास्थायनाय ।