Bingi Na Ba Ang Diyos? Poem by jomark baynado

Bingi na ba ang diyos?
At paulit-ulit mong inuutal
Ang kanyang pangalan.
Ang kanyang walang kamatayang pangalan!

Nawasak na bang tulad ng salaming binato
Ang kinang ng iyong pag-asa
At paniniwala?

Bubog na bang mahirap ng buohin
Ang pangarap mong mailagay
Man lamang sa silid-aklatan
Ang akdang mong pinaghirapan mong sulatinn
Sa loob ng kagimbal-gimbal na gabing
Hindi ka makatulog?

Nadudurog na ba ang iyong puso?
Lalo pa ng makita mong pinangbalot
Lang ng tinapa at tuyo sa bangketa
Ang mga tula sinulat mo
Na walang nag-aksayang bumasa?

Paulit-uklit mo noong binigkas
Habang angn mata mo'y mugto
Na hindi ka mawawalan ng pag-asa?
Na hindi ka manlulumo!
Hindi! Hindi!
Bakit ngayon nawawala na ang pangakong iyon?
Magsalita ka?