सानज्लिद Poem by Ronjoy Brahma

सानज्लिद

दावसा मोख्रेबा जानांगौ-
बियो दा गोदो गोदो ।
हाथारदिया आंदि मानोबा थारला
मेगना दाबोनो बेरलावनि बाहा ।
सानफामानि बिरथिँनाय गोसोआ
दाबो बाहायाव एब्रेनो..
गांखं रुबायनाय सानस्रियाबो
खांग्रां खुग्लुब दाबोनो..
हुरा हुरा रिँदोँ सोदोबा
दान्दिसे फैसालि दरखंआव
थ्रोब एब्रेबाय नुस्लाबै,
नायखोमा हरनाय खावसे मोखाङै...
खावलाय जारौ बेस्रां मेगन,
आंनि गोरबोनि निहिरिया ।
दावसा मोख्रेबा जानांगौ-
बियो दा गोदो गोदो ।
सानसुनि थिँ थिँ सान्दुंआ
दुंब्रुद जानाय सोलेर गोरबोआ
एब्रेनो नाजादोँ सिरि सिरि...
खोलो बार बारनाया दानि
गब्लं जानाय थिर गोसोआ
बिरो हुरा हुरा जोँमानि...
दिन्दां जानाय अखाफोरा हनै
स्रोब बोसनबाय जोमै रानिया
बेसोरो दा एमाव गोजोनै ।

Thursday, October 30, 2014
Topic(s) of this poem: ART
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success